Despois destas terribles clases de matemáticas que estamos a sufrir como xa vos imaxinades non temos nin idea por iso os vou ensinar un pouco delas .
A palabra "integral" tamén pode facer referencia á noción de primitiva: unha función F, cuxa derivada é a función dada f. Neste caso denomínase integral indefinida, mentres que as integrais tratadas neste artigo son as integrais definidas. Algúns autores manteñen unha distinción entre integrais primitivas e indefinidas.Os principios da integración foron formulados por Newton e Leibniz a finais do século XVII. A través do teorema fundamental do cálculo, que desenvolveron os dous de forma independente, a integración conéctase coa derivación, e a integral definida dunha función pódese calcular facilmente unha vez coñécese unha antiderivada. As integrais e as derivadas pasaron a ser ferramentas básicas do cálculo, con numerosas aplicacións en ciencia e enxeñería.
Bernhard Riemann deu unha definición rigorosa da integral. Baséase nun límite que aproxima a área dunha rexión curvilínea a base de partila en pequenos anacos verticais. A comezos do século XIX, empezaron a aparecer nocións máis sofisticadas da integral, onde se xeneralizaron os tipos das funcións e os dominios sobre os cales se fai a integración. A integral curvilínea defínese para funcións vectoriais dunha variable, e o intervalo de integración [a,b] substitúese polo da parametrización da curva sobre a cal se está integrando, a cal, conecta dous puntos do plano ou do espazo. Nunha integral de superficie, a curva substitúese por un anaco dunha superficie no espazo tridimensional.
As integrais das formas diferenciais desempeñan un papel fundamental na xeometría diferencial moderna. Estas xeneralizacións da integral xurdiron primeiro a partir das necesidades da física, e teñen un papel importante na formulación de moitas leis físicas como, por exemplo, as do electromagnetismo. Os conceptos modernos de integración baséanse na teoría matemática abstracta coñecida como integral de Lebesgue, que foi desenvolvida por Henri Lebesgue.
FONTE DE INFORMACIÓN: https://es.wikipedia.org/wiki/Integraci%C3%B3n
Ningún comentario:
Publicar un comentario