Abraham Maslow

Abraham Maslow naceu en Brooklyn, Nova York o 1 de abril de 1908. Foi o primeiro de sete irmáns e os seus pais eran emigrantes xudeus non ortodoxos de Rusia. Estes, coa esperanza de lograr o mellor para os seus fillos no novo mundo, esixíronlle bastante para alcanzar o éxito académico. De maneira pouco sorprendente, Abraham foi un neno bastante solitario, refuxiándose nos libros.

Para satisfacer aos seus pais, primeiro estudou leis no City College de Nova York (CCNY) Despois de tres semestres, transferiuse a Cornell e logo volveu a CCNY. casou con Berta Goodman, a súa curmá maior, en contra dos desexos dos seus pais. Abe e Berta tiveron dúas fillas.

Ambos se trasladaron a vivir a Wisconsin de maneira que el puidese acudir á Universidade de Wisconsin. Foi aquí onde empezou a interesarse pola psicoloxía e o seu traballo empezou a mellorar considerablemente. Aquí pasaba tempo traballando con Harry Harlow, famoso polos seus experimentos con bebés resus de mono e o comportamento do apego.

Recibiu o seu BA en 1930, o seu MA en 1931 e o seu doutoramento en 1934, todos en psicoloxía e da Universidade de Wisconsin. Un ano despois da súa gradación, volveu a Nova York para traballar con E.L. Thorndike na Universidade de Columbia, onde empezou a inetresarse na investigación da sexualidade humana.

Comezou entón a dar clases a tempo completo no Brooklyn College. Durante este período da súa vida, entrou en contacto con moitos dos inmigrantes europeos que chegaban a Estados Unidos, e en especial a Brooklyn; persoas como Adler, Froom, Horney, así como varios psicólogos da Gestalt e freudianos.
En 1951 Maslow pasou a ser Xefe do departamento de Psicoloxía en Brandeis, permanecendo alí durante 10 anos e tendo a oportunidade de coñecer a Kurt Goldstein (quen lle introduciu ao concepto de auto-actualización) e empezou a súa propia andaina teórica. Foi aquí tamén onde empezou a súa cruzada a favor da psicoloxía humanística; algo que chegou a ser bastante máis importante que a súa propia teoría.

Pasou os seus últimos anos semi-retirado en California ata que o 8 de xuño de 1970 morreu dun infarto do miocardio despois de anos de enfermidade.
FONTE DE INFORMACIÓN: http://webspace.ship.edu/cgboer/maslowesp.html