María Pita

Maior Fernández da Cámara e Pita, popularmente coñecida como María Pita, é a protagonista indiscutible da historia de Galicia, unha muller esixente e decidida cuxo nomee e figura está presente en moitos recunchos da cidade. É, ademais, a protagonista do último capítulo de 'O Ministerio do Tempo', a serie de Televisión Española que percorre a historia nacional.
Así, sábese que o seu nacemento produciuse ao redor de 1556, e que traballaba axudando no negocio dos seus pais, propietarios dunha tenda. En 1581 contraeu matrimonio por primeira vez, o que repetiría ata en tres ocasiones máis, quedando viúva en todas elas. Os seus catro maridos deixáronlle catro fillos, e contan que non contraeu matrimonio unha quinta vez porque así llo esixiu en testamento o seu último marido.
Ao enviudar por última vez, o rei Felipe II concedeulle unha pensión que equivalía ao soldo dun alférez máis cinco escudos mensuais e concedeulle un permiso de exportación de mulas de España a Portugal.
A súa gran contribución á historia, pola que sería lembrada para sempre, tivo lugar no ano 1589. Foi entón cando Sir Francis Drake, corsario da mariña británica, asediou A Coruña como castigo polo seu apoio á Armada Invencible, enviada un ano antes polo Rei español contra Inglaterra.
Tras longos días de loita feroz e lume intenso, a poboación refúxiase e ofrece resistencia tras os muros da Cidade Vella. Mulleres e nenos colaboran tanto como homes, utilizando calquera obxecto para pechar as fendas e resistir, pero o inimigo consegue finalmente abrir unha gran brecha de acceso na muralla.
É entón cando María Pita derruba e mata ao alférez inglés arrebatándolle a súa bandeira. Dise que este feito levou a cabo ao berro de "quen teña honra, que me siga", o que desmoralizó á tropa inglesa e provocou a retirada, de, nin máis nin menos, 20.000 ingleses. Unha vez acabada a batalla, axudou a recoller os cadáveres e a coidar aos feridos. Xunto con María Pita, outras mulleres da Coruña axudaron a defender a cidade; unha delas foi Inés de Ben, que foi ferida por dúas balas inglesas na batalla.
Á vista desta heroicidade, os ánimos abatidos dos coruñeses transfórmanse, lanzándose sobre os inimigos que emprenden precipitadamente a fuxida.

A praza de María Pita é un das homenaxes que a cidade da Coruña decidiu dedicar a unha das súas máis ilustres cidadás, e o lugar escollido para levantar un monumento na súa honra. A obra, acabada en bronce e concibida por Xosé Castiñeiras, representa á heroína alzando unha lanza e co corpo sen vida do alférez inglés que atacou a cidade aos seus pés.
FONTE DE INFORMACIÓN: http://www.farodevigo.es/cultura/2016/03/14/maria-pita-heroina-armas/1422915.html